Напаѓачот на Њукасл, Александер Исак, одбива да тренира во клупската база, пренесува „TBR Football“.
25-годишниот Швеѓанец јасно му ставил до знаење на менаџерот Еди Хау дека има намера да тренира индивидуално дома. Во исто време, тој не беше дел од азиската турнеја на „чавките“ поради повреда. Раководството на клубот моментално не знае каде се наоѓа фудбалерот.
Ливерпул веќе се договорил за личните услови со Исак, но сè уште нема постигнат договор со Њукасл. Во сезоната 2024/25, напаѓачот постигна 27 голови и запиша шест асистенции на 42 натпревари.
Договорот на Швеѓанецот со Њукасл важи до 30 јуни 2028 година.
