Поранешниот тренер на Милан и на Јувентус, Масимилијано Алегри, ќе се врати на работа во Серија А на почетокот на новата сезона. Тој треба да го преземе кормилото на „волчицата“, но по завршувањето на овој шампионат. Дотогаш Пауло Фонсека ќе го води составот на римскиот клуб.
Алегри според одредени италијански медиуми веќе има потпишано преддоговор со раководството на Рома. Тој ќе заработува 4,5 милиони евра по сезона, а постои клаузула дека не смее да преговара со други клубови.
Алегри две години е без клуб откако ја напушти клупата на Јувентус.
