Саудискиот клуб Ал-Наср ја насочи својата офанзива кон крилото на Арсенал, Габриел Мартинели, идентификувајќи го како прв избор за замена на Џон Дуран, кој се преселува во Фенербахче.
По неуспешниот обид да го доведе Луис Дијаз од Ливерпул, Ал-Наср се пренасочи кон бразилскиот офанзивец и е подготвен да понуди 85 милиони евра за неговиот потпис.
Мартинели има договор со Арсенал до јуни 2027 година, а неговата пазарна вредност според проценките изнесува околу 55 милиони евра.
Во сезоната 2024/25, Бразилецот одигра 51 натпревар, постигна 10 гола и запиша 6 асистенции за „топчиите“.
