Стефано Пиоли, тренерот на Ал-Наср, ќе си замине од клубот по завршувањето на сезоната, пренесуваат медиумите во Саудиска Арабија. Иако Италијанецот беше назначен пред само неколку месеци, раководството на клубот е разочарано од резултатите – особено по елиминацијата во полуфиналето на азиската Лига на шампиони и моментната трета позиција во домашното првенство.
Според истите извори, одлуката за разделба е веќе донесена, а Ал-Наср веќе започнува потрага по нов предводник за екипата предводена од Кристијано Роналдо. Оваа промена ќе се случи веднаш по завршување на тековната сезона.
Иако го очекува заминување од Саудиска Арабија, Пиоли не останува без понуди – италијански клубови внимателно ја следат неговата ситуација.
По шампионската титула со Милан во 2022 година, тој останува високо ценет во Серија А. Се поврзува со неколку клуба, меѓу нив и Рома и Милан, кои речиси сигурно ќе менуваат тренер, како и Јувентус и Наполи, каде моментните стратези имаат неизвесна иднина.
