Кингсли Коман, крилниот играч на Баерн Минхен и француски репрезентативец, е на работ од трансфер во саудискиот клуб Ал-Наср. Според информации, Ал-Наср го следи веќе подолго време и е подготвен да му понуди финансиски услови кои ќе бидат тешки за одбивање.
Французинот, кој во својата кариера освои повеќе трофеи, вклучително и Лигата на шампионите, е отворен за преселба на Блискиот Исток. Овој потег би можел да претставува нов предизвик во неговата кариера, но и можност за значително подобрување на финансиските услови што ги нуди саудискиот клуб.
Се очекува во наредните денови двете страни да ги завршат преговорите, по што ќе следи официјално потпишување на договорот и претставување на Коман како ново засилување на Ал-Наср, каде што ќе игра во нападниот дел од тимот заедно со големите ѕвезди Кристијано Роналдо и Садио Мане.
