Раководството на Ал-Хилал планира да се вмеша во трката за напаѓачот на Лајпциг, Бењамин Шешко, и во наредните денови да испрати конкретна и силна понуда за словенечкиот голгетер.
Шешко досега беше една од главните трансферни цели на Арсенал, но „топчиите“ се чини дека се сѐ понеодлучни, бидејќи не сакаат да ја платат бараната отштета од 80 милиони евра од страна на Лајпциг.
Ал-Хилал не успеа да го ангажира Виктор Осимен, и покрај неколкуте импресивни понуди, па сега активно бара нов голгетер. Сумата од 80 милиони евра не претставува проблем за саудискиот клуб, кој беше подготвен да плати 75 милиони евра за Осимен.
Исто така, и платата на Шешко не е пречка за Ал-Хилал, кој лесно може да ги исполни финансиските барања на словенечкиот напаѓач.
