Барселона се најде пред сериозен предизвик, откако доби понуда што тешко може да се одбие за бразилскиот офанзивец Рафиња. Интересот доаѓа од саудискиот Ал-Хилал, кој повторно ги насочува погледите кон фудбалерот по неуспешните обиди за негов ангажман во минатото.
Според шпанските медиуми, раководството на каталонскиот клуб е целосно запознаено со намерата на Ал-Хилал, кој овојпат е подготвен да оди до крај. Понудата изнесува 80 милиони евра веднаш, со дополнителни 20 милиони преку бонуси — сума што значително би ја олеснила финансиската состојба на Барселона.
Во саудискиот клуб веруваат дека Рафиња е идеалното решение за да се пополни празнината што остана по заминувањето на Нејмар и со тоа да се засили офанзивната линија на тимот.
