Одлуката за евентуалната казна на Манчестер Сити поради повеќекратни финансиски прекршувања, според „The Touchline“, е намерно одложена поради можните катастрофални последици за Премиер – лигата.
Доколку се применеше најстрогата мерка, исклучување на „граѓаните“, клучни фигури во клубот, како менаџерот Пеп Гвардиола и ѕвездата Ерлинг Халанд, би го напуштиле клубот и лигата, што би дало право на телевизиските оператори да ги раскинат договорите со Премиер – лигата, предизвикувајќи загуби од околу 2,5 милијарди фунти.
Пред точно три години, Манчестер Сити беше официјално обвинет за финансиски нерегуларности. Подоцна, бројот на можни санкции се зголеми од 115 на 130.
Клубот ги негира сите обвиненија и останува на ставот дека нема сторено неправилности.
