Пари Сен Жермен е пред комплетирање на уште едно големо засилување ова лето. Францускиот репрезентативец Магнес Аклиуш денес треба да пристигне во Париз, каде што ќе ги мине задолжителните лекарски прегледи, а потоа ќе стави потпис на петгодишен договор со шампионот на Франција.
Според информациите на „Л’Екип“, ПСЖ и Монако конечно постигнале договор за трансферот на офанзивниот фудбалер вреден 50 милиони евра. Спортскиот директор на парижани, Луис Кампос, подолго време ги следи настапите на Аклиуш, додека тренерот Луис Енрике особено ги цени неговата тактичка флексибилност, техничката дарба и способноста да покрива повеќе позиции во нападот.
Реализацијата на трансферот дополнително се забрзала по заминувањето на јужнокорејскиот фудбалер Канг-Ин Ли во Атлетико Мадрид, со што се отвори простор за ново офанзивно засилување во составот на ПСЖ.
Со 23 години, Аклиуш се очекува да биде едно од најзначајните засилувања на парижани во овој преоден рок. Тој ќе биде вториот француски репрезентативец кој пристигнува на „Паркот на принцовите“ ова лето, по трансферот на Лукас Дињ.
