Агон Елези продолжува со одличните настапи во Босна и Херцеговина, откако повторно се запиша меѓу стрелците во убедливата победа на Сараево од 4-0 против Слога.
Македонскиот интернационалец го отвори резултатот во 37. минута, поставувајќи ги темелите за сигурен триумф на својот тим. Во продолжението, Сараево ја потврди надмоќта – Жоао Карлос постигна два гола, а во листата на стрелци се запиша и Купрешак.
По овој натпревар, Сараево се наоѓа на третото место на табелата со 52 бодови, зад Зрињски кој има 59, и лидерот Борац Бања Лука со 69 поени.
