Connect with us

Агим Ибраими: Знаеме дека ова ни е последната шанса

Последната шанса е пред Шкендија. Македонскиот првак допатува во Луксембург, го одржа единствениот тренинг, а фудбалерите веруваат дека можат да ја надоместат негативата од првиот меч (1-2) против Дуделанж во Скопје.     

Стрелецот на голот на првиот натпревар, Агим Ибраими, верува дека Шкендија може да возврати со триумф на гости и да се пласира во третото квалификациско коло од Лигата на Европа.

„Нашата работа е да покажеме колку знаеме на теренот. Имаме квалитетен тим кој умее да се извлече и од вакви ситуации. Свесни сме дека ова е последната шанса и ќе се обидеме да ја искористиме“, изјави Агим Ибраими.

Тренерот Ќатип Османи верува дека тимот ќе одигра многу подобро на реваншот.  

„Го анализиравме првиот меч и ги најдовме пропустите. Ќе мораме да одиграме на многу повисоко ниво на реваншот и верувам дека имаме сили за тоа. Не смееме да си дозволиме грешки како на првиот меч“, изјави Ќатип Османи.

Мечот меѓу Дуделанж и Шкендија ќе се одигра утре, со почеток во 17.55 часот, на стадионот „Жози Бартон“.    

Advertisement
Advertisement
Advertisement

Facebook

Тимови