Напаѓачот на Аталанта, Адемола Лукман, изразил желба да се пресели во Интер, откриваат италијанските медиуми. Нигерискиот офанзивец ја информирал Аталанта дека сака да го напушти клубот, по што биле остварени дополнителни контакти меѓу Интер и неговите претставници.
„Нероаѕурите“ подготвуваат официјална понуда, додека клубот од Бергамо инсистира на обештетување поголемо од 40 милиони евра кога станува збор за трансфер во друг италијански клуб.
Во сезоната 2024/25, Лукман одигра 39 натпревари во сите конкуренции, постигнувајќи 20 голови и запишувајќи седум асистенции.
Неговата моментална пазарна вредност изнесува околу 60 милиони евра.
Актуелниот договор на Лукман со Аталанта е со важност до 30 јуни 2027 година.
