Хрватскиот Динамо Загреб на македонски репрезентативен погон славеше со 2-3 на гости против Краснодар и направи голем чекор напред кон пласманот во следната рунда од Лигата на Европа. Двоен стрелец беше Бруно Петковиќ, а погоди и Атемвиен.
Црвена Звезда ремизираше (2-2) против Милан во Белград, откако Панков постигна гол за израмнување во 93.минута од мечот. Панков си даде автогол во првиот дел, Канга израмни од пенал во 52.минута, но девет минути подоцна и „росонерите“ добија пенал што го искористи Тео Хернандез.Сепак, Панков не дозволи Црвена Звезда да загуби.
Манчестер Јунајтед го декласира Реал Сосиедад со 0-4 на неутрален терен во Торино. Бруно Фернандеш даде два гола, а погодија и Маркус Рашфорд и Даниел Џејмс.
Рома победи против Брага со 0-2, Тотенхем оствари триумф (1-4) против Волфсбергер, Олимпијакос го победи ПСВ со 4-2, Славија Прага ремизираше без голови против Лестер, Јанг Бојс победи 4-3 против Баер Леверкузен.
