Connect with us

Пелистер брка трет триумф во низа

По добриот старт на сезоната, Пелистер имаше пост во кој 77 дена беше без победа, а тоа го принуди тимот да се спасува од борбата за опстанок со победи против директните конкуренти, АП Брера и Шкупи.

Сега во Битола доаѓа тимот на Македонија Ѓорче Петров, кој има исто бодовно салдо и подеднакво загрозена ситуација.

„Точно е дека имаме две победи во низа, но посакуваме и трета. За нас ова е многу важен натпревар, во кој ги посакуваме трите бода. Имаме одлична атмосфера, играта на екипата е во нагорна линија и мора денес уште еднаш да го потврдиме тоа”, вели Александар Ристевски, кој беше стрелец на еден гол против Шкупи.

“Сите фудбалери се подготвени, очекуваме тежок дуел. Теренот е влажен, ќе биде тешко. Противникот го консолидираше тимот и има неколку играчи кои се враќаат во ростерот, но ние имаме наша цел. Се надевам на добра игра и победа”, рече тренерот Стојаноски, кој ја знае важноста на мечот.

Дуелот се игра со почеток во 12.30 часот на стадионот “Петар Милошевски” во Битола.

Advertisement
Advertisement
Advertisement

Facebook

Тимови